«Առաջին լրատվական»- զրուցակիցն է Գործատուների միության նախագահ Գագիկ Մակարյանը:
-Պարոն Մակարյան, արդեն տարեվերջ է, կարելի է ամփոփել 2016թ-ը: Հայաստանը ԵՏՄ կազմում է, և դեռ շարունակում ենք սպասել տնտեսության դրական փոփոխություններին, Ռուսաստանն այս տարի ևս չկարողացավ տնտեսական ճգնաժամից դուրս գալ, Հայաստանն ի՞նչ քաղեց 2016-ին ԵՏՄ-ից և ի՞նչ կարող ենք սպասել 2017-ին:
-Նման խոշոր ընտանիքները, ինչպիսին ԵԱՏՄ-ն է կամ ԵՄ-ն, դրանք դանդաղ կարող են ձևավորվել, գուցե մենք շատ ենք շտապում, որ ցանկանում ենք մեկ տարի հետո շատ մեծ արդյունքներ տեսնել, առավել ևս, որ ԵՏՄ անդամ երկրները փայլուն էկոնոմիկա չունեն, դա ամենամեծ խնդիրներից մեկն է: Բայց որպեսզի այդ ընտանիքը կայանար, պետք է ջանքեր գործադրվեին բոլորի կողմից: Այդ ուղղությամբ աշխատանքներ են իրականացվում. հանդիպումներ, օրենքների կանոնակարգում, խոստումներ և այլն, բայց, կարծում եմ, մեկ տարին կարճ ժամանակ է գնահատական տալու համար:
ԵԱՏՄ-ն պետք է իր մեջ մեկ խնդիր կարողանա լուծել. անդամ բոլոր երկրներն ասում են, որ ուզում են իրար հետ աշխատել, բայց չեն աշխատում. Իսկապե՞ս ցանկանում են համագործակցել, թե՞ ոչ… ԵԱՏՄ-ում գերիշխում են մուսուլմանական տրամադրությունները: Ռուսաստանը մնում է կոռումպացված երկիր… Ի՞նչ շահեցինք ԵՏՄ-ից. գլխավորն այն է, որ ԵՏՄ-ին միանալու արդյունքում մեր անվտանգության երաշխիքներն ապահովեցինք, իսկ տնտեսական առումով՝ Ռուսաստանը մնում է մեր գործընկերը: Այն ժամանակ էլ, երբ որ ԵԱՏՄ-ն չկար, Ռուսաստանը մեր գործընկերն էր, ԵԱՏՄ-ն գեղեցիկ փաթեթավորած վարագույր է, էությամբ ոչինչ չի փոխվել: Ռուսաստանից ներմուծվող որոշ ապրանքների համար էժանացում ունենք, այդտեղ ԵՏՄ-ի դրական դերը կա: Իսկ արտահանման առումով, քանի որ Ռուսաստանի էկոնոմիկան շատ դանդաղ է զարգանում, մենք դեռ չենք վերադարձել 2014-ի մակարդակին:
Հարցազրույցն ամբողջությամբ՝ տեսանյութում:
