2016 թվականի վերջին շաբաթը բարեհաջող չի եղել Ղազախստանի բանկային համակարգի համար։ Իրավիճակի կայունացման համար երկրի Ազգային բանկը դեկտեմբերի 27-ին ստիպված որոշում է կայացրել զրկել «Կազինվեստբանկ»-ին արժեթղթերի շուկայում օպերացիաներ կատարելու լիցենզիայից, հաղորդում է DW-ն։
Սակայն չլուծված է մնում գլխավոր խնդիրը․ երկրի խոշորագույն բանկերից մեկը՝ «Կազկոմմերցբանկ»-ը դեֆոլտի շեմին է հայտնվել չլիկվիդացված մեծ քանակությամբ ակտիվների պատճառով։
Այն բանից հետո, երբ Ղազախստանի նախագահ Նուրսուլթան Նազարբաևը Bloomberg գործակալությանը տված հարցազրույցի ժամանակ հայտարարել է, որ իշխանությունները թույլ չեն տա «Կազկոմմերցբանկ»-ին փլուզվել, երկրի Ազգային բանկը որոշում է կայացրել բանկին տրամադրել կարճաժամկետ ֆինանսավորում՝ 1.2 միլիարդ դոլարի չափով։
Միևնույն ժամանակ S&P և Fitch Ratings վարկանիշային գործակալությունները նվազեցրել է «Կազկոմմերցբանկ»-ի երկարաժամկետ վակային վարկանիշը` «B-»ից «CCC», ինչը նշանակում է դեֆոլտի մեծ հավանականություն։