«12-րդ դասարանցիներն այս ուսումնական տարվա երկրոդ կիսամյակում կանցնեն միայն իրենց ընտրած առնվազն երեք առարկաները: Մինչև հիմա աշակերտների մեծ մասը 12-րդ դասարանում դասի չէր գնում, որի պատճառով տնօրենները նկատողություն էին ստանում: Նախարարությունը որոշեց ընդառաջ քայլ անել աշակերտներին. տասնմեկուկես տարի սովորելով, կրթական ծրագիրն ավարտելով՝ աշակերտներին հնարավորություն է տրվում վերջին կես տարին զբաղվել իրենց հետաքրքրող երեք առարկաներով, որոնք անհրաժեշտ են բուհ ընդունվելու համար: Այլ կերպ ասած՝ նախարարությունը փորձեց իրավական հիմք տալ փաստական իրավիճակին, այսինքն՝ դե յուրե ամրագրել դե ֆակտո ստեղծված իրավիճակը»,- «Առաջին լրատվական»- ի հետ զրույցում այս մասին ասաց կրթության փորձագետ Սերոբ Խաչատրյանը:
«Աշակերտները սրանով բազմաթիվ առարկաների լրացուցիչ ծանրաբեռնվածությունից ազատվում են, բայց մյուս կողմից դպրոցի հիմնական խնդիրը հանրակրթական ծրագիր իրականացնելն է. որքանո՞վ է ճիշտ դպրոցն ավարտել՝ երկու-երեք առարկայի վրա ֆիքսվելով,- նշեց Ս. Խաչատրյանը՝ հավելելով, որ խնդիրն ավելի լուրջ է, քան պատկերացնում ենք:
«Հարցն այն է, որ աշակերտները սկսել են ձանձրանալ դպրոցում: Եթե դպրոցը հետաքրքիր չեղավ, հարց չի լուծվելու, եթե անգամ 9 տարի դառնա ուսուցումը»,- նշեց փորձագետը: Նրա դիտարկմամբ՝ այսօրվա երեխաներին ավելի շատ բաների մասին պետք է սովորեցնել, այդ թվում նաև էկոլոգիայի, բիզնեսի…
Մանրամասները՝ տեսանյութում: