Այս պահին Արտակարգ իրավիճակների նախարարի պաշտոնում երեք թեկնածուների՝ Լոռու մարզպետ Արթուր Նալբանդյանի, ՀՀԿ փոխնախագահ Արմեն Աշոտյանի և Երևան քաղաքի նախկին ոստիկանապետ, ԱԻՆ Երևան քաղաքի փրկարարական վարչության պետ Ներսիկ Նազարյանի անուններն են շրջանառվում:
Լոռու մարզպետ Արթուր Նալբանդյանից «Առաջին լրատվական»-ը հետաքրքրվեց՝ արդյոք նրան այդպիսի առաջարկ եղե՞լ է: Հարցին ի պատասխան՝ մարզպետը տվեց այսպիսի պատասխան. «Ես երբեք նման բան չեմ ասել, բայց խնդրում եմ, այս պահին այդ կարգի անբարոյական հարցեր մեք տա»: Նա նշեց, որ այդպիսի քննարկում ընդհանրապես չի եղել. «Ինձ հետ կապված երբևիցե նման քննարկում չի եղել, և համոզված եմ՝ չի էլ լինելու»:
Հետաքրքրվեցինք՝ ինչո՞ւ է հարցը, ըստ նրա, անբարոյական: «Հաջողություն, լավ»,- եզրափակեց «կոռեկտ» մարզպետը: