ՀՀ Բարձրագույն կրթության և հետբուհական կրթության մասին օրենքում փոփոխություներ են կատարվել, ներկայացվել է նոր նախագիծ, որի համաձայն բակալավրի կրթական ծրագրում պարտադիր են հայոց լեզու և հայոց պատմություն առարկաները: «Առաջին լրատվական»- ի հետ զրույցում «Գլաձոր» համալսարանի ռեկտոր իրավաբանական գիտությունների դոկտոր Ժորա Ջհանգիրյանը կարծիք հայտնեց, որ քանի որ հանրակրթական դպրոցում աշակերտները 12 տարի անցնում են հայոց լեզու և հայոց պատմություն, ապա բուհում անենևին էլ պարտադիր չէ այդ առարկաների ուսուցումը:
Ժորա Ջհանգիրյանի դիտարկմամբ՝ ոչ թե Բարձրագույն կրթության հետբուհական կրթության մասին օրենքում փոփոխություններ են կատարվել, այլ բոլորովին նոր օրենք է ներկայացվել, մինչդեռ կարելի էր ուղղակի գործող օրենքում որոշակի փոփոխություններ կատարել: Նրա կարծիքով՝ ներկայացված նախագծում անհրաժեշտ է շտկումներ անել:
Ժ. Ջհանգիրյանը, անդրադառնալով օրենքի նոր նախագծով նախատեսված այն դրույթին, ըստ որի՝ 70 տարին լրացած անձը չի կարող մասնակցել գիտամանկավարժական պաշտոնների մրցույթներին, նշեց. «Երբեք չի կարելի մտածել, որ եթե մարդու 70 տարին լրացել է, ապա նա ո՛չ դասավանդելու, ո՛չ էլ գիտությամբ զբաղվելու իրավունք ունի, դա մարդու իրավունքների սահմանափակում է: 70 տարեկան մարդ կա՝ Նոբելյան մրցանակ է ստանում: Տարիքը իմ կարծիքով, բացարձակապես նշանակություն չունի»:
Ժ. Ջհանգիրյանը, ի թիվս նախագծում առակա մտահոգիչ մի շարք դրույթների, նշեց նաև, որ ճիշտ չի համարում բուհերին դասակարգումներ տալ՝ պետական, մասնավոր և հանրային, ի դեպ վերջինս նոր հասկացություն է, և, ըստ ռեկտորի, հասկանալի չէ, թե այն ինչով է տարբերվում պետական բուհից: Ժ. Ջհանգիրյանի խոսքով՝ պետք է առաջնորդվել նրանով, թե ինչ առաքելություն են իրականացնում բուհերը, այդ դեպքում պարզ կլինի, որ բոլորի առաքելությունը նույնն է՝ գիտելիք տալ, մասնագետներ պատրաստել:
Մանրամասները՝ տեսանյութում: