Instagram բջջային հավելվածը պաշտոնապես ձեռք է բերել ուղիղ տեսահեռարձակման գործառույթ, որն այժմ հասանելի է ԱՄՆ-ի բոլոր բնակիչներին, հաղորդում է TechCrunch-ը։
Օգտատերերը կարող են հեռարձակումը սկսել՝ սեղմելով հավելվածում հատուկ կոճակը, որը կհայտնվի թարմացումից հետո։ «Կենդանի» հեռարձակումը ունի սահմանափակում՝ մինչև 1 ժամ։ Միևնույն ժամանակ տեսանյութը չի պահվում սերվերներում, ուստի հնարավոր չի լինի ևս մեկ անգամ դիտել այն՝ ի տարբերություն Facebook Live-ի և Periscope-ի։
Ինչպես գրում է պորտալը, Instagram-ի նոր գործառույթն առայժմ հասանելի է միայն ԱՄՆ-ի բնակիչների համար։ Ակնկալվում է, որ առաջիկա շաբաթներին նորությը հասանելի կլինի բոլոր օգտատերերի համար։
