Ղազախստանի նախագահ Նուրսուլթան Նազարբաևը հայտարարել է, որ համաձայն չէ այն կարծիքի հետ, որ երկրում ավտոկրատ ռեժիմ է հաստատվել, հաղորդում է RIA Novosti-ն։
«Այո, Ղազախստանում նախագահական կառավարում է։ Սահմանադրությունում ամրագրված է, որ հանրապետությունն ունի նախագահական կառավարման ձև։ Ֆրանսիական նախագահական իշխանությունն ավելի կոշտ է, իսկ մենք ունենք այն, ինչ ունենք։ Կառավարման մեր ձևը հաճախ անվանում են բռնապետական կամ ավտոկրատ, ինչը անհեթեթություն է, որը տարածում են նրանք, ովքեր ոչինչ չգիտեն մեր պայմանների, մեր կյանքի մասին և միայն թերթերում են կարդում»,-ասել է Նազարբաևը «25 KZ «Նորագույն պատմություն»» փաստագրական ֆիլմի հեղինակներին տված հարցազորւյցի ժամանակ։
Նազարբաևը չի բացառել, որ ապագայում Ղազախստանի կառավարման ձևը կարող է վերանայվել։