Ղրղզստանում այսօր կայացած հանրաքվեին մասնակցած քաղաքացիների կեսից ավելին հավանություն է տվել սահմանադրական փոփոխություններին։ Այս մասին հայտնում է հանրապետության ԿԸՀ-ն՝ փոխանցում է TASS գործակալությունը։
Քվեաթերթիկների 15 տոկոսի հաշվարկման արդյունքներով՝ փոփոխություններին կողմ է արտահայտվել ընտրողների 75 տոկոսը։
«Հանրաքվեն կայացած է։Նախնական տվյալներով՝ դա նշանակում է, որ ընտրողներն աջակցել են սահմանադրությունում փոփոխություններ մտցնելու նախաձեռնությանը»,-ընդգծել են գերատեսչությունում։
Քվեարկության պաշտոնական արդյունքները հայտնի կդառնան առաջիկա օրերին։
Սահմանադրական փոփոխությունները գործողության մեջ կմտնեն հաջորդ տարվա դեկտեմբերից, կփոփոխվի սահմանադրության 30 հոդված, որոնք նախատեսում են նախագահի լիազորությունների կրճատում, վարչապետի ու խորհրդարանի գործառույթների ընդլայնում, ինչպես նաև դատական և իրավապահ մարմիններում բարեփոխումների անցկացում։
