Թուրքական Anadoolu լրատվական գործակալության փոխանցմամբ՝ «Իսլամական ութնյակի» (D-8) երկրների գլխավոր քարտուղար Սեյիդ Ալի Մուհամմեդ Մուսավին ողջունել է Թուրքիայի նախագահ Ռեջեփ Էրդողանի հայտարարությունը, ով կողմ էր արտահայտվել Թուրքիայի տնտեսական խոշոր գործընկերների հետ առևտրային հարաբերություններում ազգային արժույթի կիրառմանը։
Մուսավին ուշադրություն է հրավիրել այն վնասներին, որոնց D-8-ի երկրները կրել են ամերիկյան դոլարի ամրապնդման պատճառով։ Նրա խոսքերով՝ փորձագետները կանխատեսում են, որ դոլարը շարունակելու է ամրապնդվել, ինչը կուժեղացնի զարգացող երկրների վրա ֆինանսական ճնշումը.
«Առևտրային գործարքներում ազգային արժույթին անցում կատարելը կարող է նվազեցնել ֆինանսական ռիսկերը։ D-8-ի երկրների տնտեսությունների ծավալը հասնում է 3.7 տրիլիոն դոլարի»։
Մուսավին հիշեցրել է, որ Էրդողանն ազգային արժույթներին անցում կատարելու հարցը քննարկել է 2015 թվականին Իրան կատարած այցի ժամանակ. «Դրանից հետո աշխատանքը տվյալ ուղղությամբ շարունակվում է»։
