«Ողջունելի է, որ Հայաստանը գնում է նոր իրավապայմանագրային բազայի ձևավորմանը ԵՄ-ի հետ, սակայն պարզ է, որ դա ունենալու է մեկ սահմանափակող գործոն. դա Հայաստանի անդամակցությունն է ԵՏՄ-ին: Երբ ասում ենք «և՛-և՛»-ի քաղաքականություն, պետք է հասկանանք, որ առաջին «և»-ը երկրորդին համարժեք չէ և չի կարող լինել: «Առաջին լրատվական»- ի հետ զրույցում այս մասին ասաց ՄԱՀՀԻ-ի փորձագետ Ռուբեն Մեհրաբյանը:
Փորձագետի դիտարկմամբ, այնուամենայնիվ, ԵՄ-ի հետ համագործակցությունը Հայաստանին հնարավորություն կտա հնարավորին չափով բալանսավորել ասիմետրիկ հարաբերությունները Ռուսաստանի հետ, և եթե իշխանությանը հաջողվի տեսականորեն ինչ-որ դրական տեղաշարժ ապահովել Հայաստանի ներդրումային մթնոլորտում, ապա դա հնարավորություն կտա նաև արևմտյան ներդրումներին՝ հայկական տնտեսության մեջ:
«Կահջողվի՞, թե՞ ոչ. բազմաթիվ պատճառներ կան թերահավատ լինելու այս հարցում, քանի որ քաղաքական կամքի վրա է ամեն ինչ հիմնվում, իսկ դա առայժմ խոսքերից այն կողմ դեռ չի անցել: Մենք տեսնում ենք կոսմետիկ փոփոխություններ, բայց հիմնարար փոփոխություն չենք տեսնում… Ամեն ինչ որոշ ժամանակ կմնա նույնը, քանի դեռ չկա հասարակության կողմից ձևավորված սոցիալական պահանջ, և այդ պահանջին տրված չէ քաղաքական բովանդակություն ընդդիմության կողմից»,- նշեց Ռուբեն Մեհրաբյանը:
Փորձագետի դիտարկմամբ՝ ՀՀ-ԵՄ հարաբերությունները լրջություն են պահանջում:
«Գլխավոր գործոնն այն է, որ Հայաստանը զերծ մնա ցնցումներից: Վերջին 100 տարվա ընթացքում արտաքին քաղաքական կատակլիզմների բերումով մենք մնացել ենք մեր պրոբլեմների հետ դեմ-հանդիման. տեղի է ունեցել մասշտաբային արյունաթողություն, և մենք երրորդ անգամ դա թույլ տալու իրավունք չունենք»,- ընդգծեց Ռ. Մեհրաբյանը:
Մանրամասները՝ տեսանյութում: