Դեկտեմբերի 10-ին՝ մարդու իրավունքների պաշտպանության օրը, Սոս Սարգսյանի անվան Համազգային թատրոնում տեղի կունենա «Յոթը» վավերագրական ներկայացումը, որը նվիրված է բռնությունների և կանանց իրավունքների թեմային:
Գլխավոր դերերում կյանքի դժվարությունների դեմ պայքարող յոթ կանայք են:
Ներկայացմանը ԱԺ ՀԱԿ խմբակցության քարտուղար Արամ Մանուկյանը կնոջ դեր կկատարի։
«Անցած տարի որդեկորույս մայրերին, որոնց որդիները զոհվել են բանակում, բողոքի ակցիա իրականացնելիս Բաղրամյան պողոտայում ոստիկանները ցուցադրաբար, բռի կերպով քարշ տալով տանում էին, որ ցույց չանեն: Դրանից հետո ես ոստիկանների հետ վեճի մեջ մտա, ամոթանք էի տալիս, այդ տեսանյութը 30 000 դիտում է ունեցել… Եթե այդ դիտողներից ընդամենը 300-ը գային և այդ մայրերի կողքին կանգնեին, ոչ մի ոստիկան այդպես չէր վարվի: Ասելիքս հետևյալն ՝ ուրիշի իրավունք գոյություն չունի… Այս ներկայացումը համարեք միջոցառում՝ հասարակական ճնշում մարդու իրավունքների պաշտպանության համար»,- այս մասին այսօր հրավիրված ասուլիսում ասաց Արամ Մանուկյանը:
Լուսանկարը՝ PAN Photo-ի