Թուրքիան նախկինի պես պետք է յոթ պայման կատարի, որպեսզի առանց վիզայի ռեժի ունենա ԵՄ-ի հետ։ Ինչպես հաղորդում է RIA Novosti-ն, այս մասին ասվում է ԵՄ-ի և Թուրքիայի միջև միգրացիոն համաձայնագիրը կատարելու մասին Եվրահանձնաժողովի զեկույցում։
«Ինչ վերաբերվում է վիզաների ազատականացման ծրագրի իրագործմանը, ապա Թուրքիան շարունակում է չկատարել յոթ պայմանները, որոնք նշված են 2016թ․ սեպտեմբերի 28-ին ընդունված երրորդ զեկույցում»,-ասվում է հայտարարության մեջ։
Թուրքիայի և Եվրամիության միջև հարաբերությունները սրվել են այն բանից հետո, երբ Եվրախորհրդարանը նոյեմբերի 24-ին հաստատել է բանաձև, որը կոչ է անում դադարեցնել ԵՄ-ին անդամակցելու շուրջ բանակցություններն Անկարայի հետ։ ԵԽ-ում այս որոշումը մեկնաբանում են Թուրքիայում պետական հեղաշրջման փորձից հետո մարդու իրավունքների համատարած ոտնահարումներով։