«Առաջին լրատվական»- ի զրուցակիցն է «Հոգևոր Հայաստան» նախաձեռնության աջակից Աշոտ Մանուչարյանը:
–Պարոն Մանուչարյան, «Հոգևոր Հայաստան» նախաձեռնության աշխատանքները ո՞ր փուլում են գտնվում, ստացվո՞ւմ է համախմբումը:
-«Հոգևոր Հայաստան»-ի նախաձեռնությամբ կիրակի օրը կայացավ հայության ներկայացուցիչների խորհրդաժողով: Նախաձեռնությունը մտավ երկրորդ փուլ: Հիշեցնեմ, որ սեպտեմբերին հավաքվեցին հայ մտավորականության ներկայացուցիչներ՝ աշխարհի տարբեր կետերից, և հարցադրումը հետևյալն էր. առաջինը՝ այսօրվա խելակորորույս, սանձարձակ աշխարհում, ինչպես նաև հատկապես հայաստանյան հատվածում, մարտահրավերներն անսահման են, բայց միևնույն ժամանակ ճեղքման անսահման հնարավորություններ կան, մարդկությունը պետք է անցնի նոր վիճակի. և այդ հնարավորությունները պետք է ի մի բերել:
Այս հնարավորությունները սեպտեմբերին մտավորականությունը ներկայացրեց և ասաց երկու բան՝ առաջինը, որ գերխնդիրը այսօր հայության ամբողջականանալն է ՝ հայկականության հիման վրա: Հայկականության հիման վրա ամբողջականանալը շատ կարևոր է, որովհետև տեսնում ենք, թե ինչպես են ամբողջականանում մի շարք կողոպուտով զբաղվող համակարգեր, կուսակցություններ, միջազգային կառույցներ՝ թե՛ մեզանում, թե՛ ամբողջ աշխարհում. համախմբումը՝ կողոպուտի համար՝ մնացել է «սրբազան» գործ: Բայց դա բոլորիս հասցրել է աղետի եզրին, այսպիսի մոլորակ երբևիցե չենք ունեցել, այսպիսի Հայաստան՝ ավերվող, վերացող, երբևիցե չենք ունեցել՝ անգամ Ցեղասպանությունից հետո:
Այսինքն՝ հերթական խմբակ հավաքենք հայության, սա անհեթեթություն կլինի, որովհետև շատերն ասում են, այո՛, ամբողջականանանք՝ իմանալով, որ չալաղաջի փայն ավելանալու է, բայց ո՛չ, չալաղաջից հրաժարվեու խնդիր կա, այն իմաստով, որ կան շատ ավելի վեհ նպատակներ: Իսկ այդ նպատակները, հայության առաքելությունը ի մի է բերվում հայկականության հիման վրա: Մտավորականությունն ասաց, որ ուզում է հայության այս ամբողջականացումն իրականացնել՝ հիմնված հայկականության վրա:
Եվ երկրորդ՝ մտավորականությունը նշեց իր գործառույթը այս գործընթացում. ասաց՝ ես «Սարդարապատի զանգն» եմ, որը ղողանջում է, որ օրհասական վիճակում ենք: Հավաքվեց խորհրդաժողով, որ ցույց տա ճեղքման հնարավորությունը, ուղղությունները:
Հարցազրույցն ամբողջությամբ՝ տեսանյութում: