«Քաղաքականության մեջ, առավել ևս Հայաստանում, ոչինչ բացառել հնարավոր չէ»,- «Առաջին լրատվական»- ի հետ զրույցում, անդրադառնալով Գագիկ Ծառուկյանի ՝ ակտիվ քաղաքականություն հնարավոր վերադարձին, ասաց քաղաքագետ Գագիկ Համբարյանը:
«Այստեղ խնդիրը հետևյալն է. ՏԻՄ ընտրություններից հետո իշխանությունները հասկացան, որ իրենց բոլոր ռեսուրսներն օգտագործելով, իրենք 30-35 տոկոսից ավելի ձայն չեն կարող ստանալ: Նրանց պետք է կանխատեսելի գործընկեր, որի հետ եթե չհաջողվի պարզ մեծամասնություն կազմել ապրիլի 2-ին սպասվող ԱԺ ընտրություններում, ապա նրանք դաշինք կկազմեն և կշարունակեն ղեկավարել երկիրը: ՏԻՄ ընտրությունները ցույց տվեցին, որ ՀՀԿ-ի հիմնական դաշնակից ՀՅԴ-ն թույլ դիրքեր ունի: ՀՀԿ-ին ավելի ձեռնտու է ունենալ ԲՀԿ-ի նման գործընկեր ապագայում: Գործընկեր, որի լիդերը խարիզմատիկ անձնավորություն է, և ով ինչ ուզում է ասի, հասարակությունն ընդունում է Ծառուկյանին: Իշխանությունները իրականացնում են «Ծառուկյանի վերադարձ» օպերացիան,- նշեց քաղաքագետը:
Մանրամասները՝ տեսանյութում: