Գյումրեցիների հետ հանդիպմանը վարչապետ Կարեն Կարապետյանն անդրադարձել է Շիրակի մարզի հիմնախնդիրներին: Նա նշել է, որ առաջնահերթ է Շիրակի մարզում զարգացնել բիզնեսը եւ ստեղծել աշխատատեղեր: «Շիրակում բիզնեսի զարգացումը, աշխատատեղեր ստեղծելը պետք է դառնա մեր համար առաջին խնդիրը: Շատերը կարծում են, որ ես բիզնես, բիզնես եմ ասում՝ ուրեմն բիզնես շահերի կողմնակից եմ, բայց այլ տարբերակ չկա՝ աշխատատեղեր ստեղծողը, հարկեր վճարողը բիզնեսն է»:
«Մենք պետք է հասկանանք, թե որտեղ կարող ենք գումար ներդնել, որպեսզի մաքսիմալ էֆեկտ ստանանք: Ադ պատճառով համայնքի ղեկավարներին հստակ խնդրում եմ, որպեսզի ուշադիր լինեն իրենց համայնքի բյուջեի պլանավորմանը: Կարծում եմ, որ վերջանալու է այն պահը, երբ ինչքան խեղճ ենք և վզներս ծուռ, էդքան օգնությունը շատ է լինելու: Մեկս մյուսին քոմակ կանգնելով պետք է այս երկիրն այս վիճակից դուրս բերենք: Այն համայնքներում, որտեղ համայնքապետը ղոչաղ ձևով գալու է ասի՝ ես էս եմ անելու, սա այսպես է լինելու, մենք նրա կողքին կանգնած ենք լինելու, նրան փորձելու ենք ոգևորել»,-նշեց վարչապետը:
Մանրամասները՝ տեսանյութում:
