Ժամանակակից տնտեսական քաղաքականությունը չի տեղավորվում այն տնտեսական քաղաքականության մեջ, որը 90-ականներին դուք սովորել եք: Այս մասին, այսօր ԱԺ նիստում, դիմելով ՀՀ ֆինանսների նախարար Վարդան Արամյանին՝ ասաց ՀԱԿ խմբակցության պատգամավոր Հրանտ Բագրատյանը:
«Դուք առաջ չեք գնում: Նույն պարտքի քաղաքականությունը… ԱՄՆ նախագահը հայտարարում է, որ Չինաստանը արժևորում է յուանը, ըստ էության, ստերիլիզացնում է այդ փողերը: Մենք էլ ասում ենք՝ ստերիլիզացրեք այս փողերը, բայց դուք մեզ ձեռ եք առնում, ինչ-որ բան եք բացատրում 90-ականների կեսերից, որոնք ժամանակին, ի դեպ, մենք ձեզ սովորեցնում էինք: Աշխարհը փոխվել է…»,- նշեց Հրանտ Բագրատյանը:
Նախարարի պարզաբանումները պատգամավորը գնահատեց որպես «սուտ»: Այնուհետև նա հետաքրքրվեց՝ բազայի փոփոխություն չի՞ լինելու: «Դուք հաճախ սուտը հարմարացնում եք: Ես վախենամ, որ էս նույն կառավարությանն էս բյուջեով ընդհանրապես թաղեք: Հին, 20 տարվա բաները անընդհատ բերում բացատրում եք մեզ»,- նշեց Բագրատյանը:
ՀՀ ֆինանսների նախարարը չհամաձայնեց Բագրատյանի հետ:
Մանրամասները՝ տեսանյութում:
