ԱԺ-ում այսօր 2017թ. պետական բյուջեի լրամշակված նախագծի քննարկման ժամանակ ՀՀ ֆինանսների նախարար Վարդան Արամյանը հայտարարեց, որ իրենք ծանոթացել են պատգամավորների կողմից ներկայացրած առաջարկներին, դրանցից ներառել բյուջեում:
Նախարարի խոսքով՝ բյուջեն լրամշակելուց առաջ հաշվի են առնվել 4 հիմնական սկզբունք, որոնցից առաջինն այն է, որ բյուջեն լինի մակրոտնտեսական զարգացումներին համահունչ, իրատեսական: «Մենք չենք կարող ներկայացնել մի բյուջե, որը աղճատված կլինի տնտեսական իրականությունից: Երկրորդ հերթին` մենք հաշվի ենք առել մակրոտնտեսական կայունության սկզբունքը: Մենք ծախսերի մասով փոքր-ինչ պահպանողական վարքագիծ պետք է դրսևորենք, որ պարտքը ապագա տարիների համար լինի կառավարելի, դուրս չգա վտանգավոր տիրույթ»,- նշեց նախարարը:
Նախարարի հավաստմամբ՝ իրենց գլխավոր թիրախը տնտեսական աճ ստեղծելն է, ինչը նշանակում է հարկային ողջամիտ քաղաքականություն: Նրա խոսքով՝ ընդհանուր բյուջեն իր շրջանակներով պահպանել է իր նախորդ ցուցանիշները, թեև որոշակի վերաբաշխումներ, առաջարկներից հետո, կատարվել են:
Մանրամասները՝ տեսանյութում: