Amazon ընկերությունը ԱՄՆ-ում կբացի առաջին մթերային խանութը՝ առանց դրամարկղային սարքերի՝ հայտնում է The Washington Post-ը։ Առաջին Amazon Go-ի բացումը ծրագրվում է 2017 թվականին, Սիեթլում։
Բավարար կլինի սմարթֆոնը սքանավորող սարքին մոտեցնելը՝ գնման դիմաց վճարելու համար։ Դրա համար պետք է սմարթֆոնում հատուկ հավելված տեղադրվի։ Խանութ մտնելիս պետք է մուտքագրվել։
Մթերքների կոդերը սքանավորելու անհրաժեշություն չի լինի. հաստատությունում տեղադրված հատուկ ցուցիչները կորոշեն, թե ինչ ապրանքներ է գնորդը տեղավորում զամբյուղում։
Վճարումն ավտամատ կերպով կստացվի քարտից, որը կցված է հավելվածում օգտատիրոջ օգտահաշվին։
Պարբերականը նշում է, որ նման փորձը վիթխարի ազդեցություն կունենա մանրածախ առևտրի ողջ ոլորտի վրա, առաջին հերթին տեղի կունենա աշխատատեղերի կրճատում։