Նորք Մարաշի զինյալ հանցախմբի գործով դատական նիստը տեղի ունեցավ օրերս. արդյո՞ք նորմալ է դիտվում այն հանգամանքը, որ այս գործով առաջին նիստը այսքան ժամանակ երկարաձգվել էր. «Առաջին լրատվական»- ի հետ զրույցում անդրադառնալով այս հարցին «Սոցիալական արդարություն» ՀԿ նախագահ, քրեական արդարադատության հոգեբան Արշակ Գասպարյանը նշեց. «Ըստ մեղադրանքի բովանդակության, մենք գործ ունենք ահաբեկչության կանխման հետ. ավելի քան 40 մարդ է ձերբակալվել, բոլորի հետ պետք է քննչական գործողություններ իրականացվեին, բոլորին պետք էր լսել և այլն, այս իմաստով նորմալ է, որ գործի քննության ժամանակաշրջանը ամիսներ է տևել»:
Արշակ Գասպարյանի դիտարկմամբ՝ ահաբեկչությունը, ի տարբերություն «պարզ» սպանության, ունի կարևոր հոգեբնական և կրիմինոլոգիական առանձնահատկություն, եթե սպանության ժամանակ սպանությունը հենց վերջնանպատակ է, ապա ահաբեկչությունը ունի ստարտային այլ պատկեր. «Ահաբեկիչների համար նպատակը միշտ բարի է, բոլոր ահաբեկչությունները իրականցվում են հանուն ինչ-որ նպատակի՝ հանուն կրոնական գաղափարների, հանուն մարդու ճիշտ կամ հանգիստ ապրելու, հանուն պետությունը չքայքայելու… Ահաբեկչությունը գաղափարական հենքով ձևավորված վարքի ձև է… Արթուր Վարդանյանն էլ հայտարարեց՝ եթե Հայաստանն ու Արցախը փրկելը ահաբեկչություն է, ես պատրաստ եմ դատապարտվել»:
Հոգեբանի խոսքով՝ ահաբեկչության մեջ փրկչի դեր ստանձնելու գաղափարական հենք կա: Այլ բան է, թե ինչպիսի մարդիկ են կարողանում գաղափարի տեսքով կուռք ստեղծել՝ այդ թվում նաև Հայաստանը փրկելը, և մյուս գործողությունները լոկ միջոց են:
Հոգեբանի դիտարկմամբ՝ Նորք Մարաշի խմբի մտադրությունը և ՊՊԾ գնդի գրավումն ահաբեկչություն չէր, այլ գործող համակարգին իմպիչմենտ հայտնելու ցասում:
Մանրամասները՝ տեսանյութում: