Ադրբեջանական APA լրատվական գործակալության փոխանցմամբ՝ Թուրքիայի ու Ադրբեջանի միջև ստորագրվել են ավելի քան 200 փաստաթղթեր, որոնք առնչվում են տարբեր ոլորտների։
Այդ մասին Բաքվում Թուրքիայի արտգործնախարար Մևլյութ Չվաուշօղլուի հետ հանդիպումից հետո կազմակերպված մամուլի ասուլիսի ժամանակ հայտարարել է Ադրբեջանի արտգործնախարար Էլմար Մամեդյարովը։
Նա ընդգծել է, որ իրենք կարևորում են առևտրի ոլորտին առնչվող նոր փաստաթղթերի ստորագրումը և աշխատանքային խմբին հանձնարարված է աշխատել տվյալ ուղղությամբ։
Մամեդյարովը հայտարարել է, որ իրենք քննարկել են նաև եռակողմ ձևաչափով Թուրքիայի, Թուրքմենստանի ու Ադրբեջանի միջև հանդիպումների անցկացումը.
«Հաջորդ տարվա սկզբին մենք ծրագրել ենք անցկացնել արտգործնախարարների ու էներգետիկայի նախարարների մակարդակով հանդիպումներ։
Սակայն այդ հանդիպումները պետք է անցկացվեն ոչ թե հանուն հանդիպումների անցկացման, այլ նրա համար, որ դրանք պետք է ունենան կոնկրետ արդյունքներ»։
