Բրիտանական Reuters լրատվական գործակալության փոխանցմամբ՝ ԱՄՆ պաշտպանության նախարար Էշթոն Քարթերը մեկնաբանել է ԱՄՆ նորընտիր նախագահ Դոնալդ Թրամփի այն որոշումը, որ ներկայիս պաշտոնում իրեն փոխարինելու է գեներալ Ջեյմս Մետիսը։
Այդ մասին հայտնել է Պենտագոնի մամլո ծառայությունը։ Քարթերն ընդգծել է, որ արդեն երկար տարիներ ճանաչում է գեներալ Մետիսին և ամենաբարձր կարծիքն ունի նրա նկատմամբ։
Նա հավելել է, որ կգործադրի բոլոր ջանքերը, որպեսզի ԱՄՆ պաշտպանության նախարարության ղեկավարությունում իշխանափոխությունն անցնի սահուն։
Դեկտեմբերի 2-ին Թրամփը հաստատել է, որ շուտով հայտարարելու է Պենտագոնի ղեկավարի պաշտոնում Մեթիսին նշանակելու մասին։ Որպեսզի պաշտոնաթող գեներալը նշանակվի այդ պաշտոնում, ԱՄՆ Կոնգրեսը պետք է ընդունի նոր օրենք, որը չեղյալ կհայտարարի գործող նորմերը։
66-ամյա Մետիսը հրաժարական է տվել 2013 թվականի գարնանը։
