Ռիգայի կենտրոնում գտնվող Ռատուշայի հրապարակում տեղադրված սուրբծննդյան եղևնին հայտնվել է Գինեսի ռեկորդների գրքում։ Տոնածառի լույսերը վառել է աշխարհում ստեղծված ամենամեծ՝ Ռուբ Գոլդբերգի մեքենան։
Մայրաքաղաքի քաղաքապետարանի երկու հարկերում և հրապարակում հավաքվել էր մեխանիզմ, որն իրենից ներկայացրել է պարզ գործողությունների բազմաստիճան ճանապարհ։ Դոմինոյի սկզբունքով գործող շղթան կազմված է եղել 412 փուլից։ Պատվավոր առաքելությունը գլխավորել է Ռիգայի քաղաքապետ Նիլ Ուշակովը։
