Հայաստանի և Ռուսաստանի պաշտպանության նախարարները Մոսկվայում ստորագրել են հայ-ռուսական միացյալ զորամիավորման մասին պայմանագիրը։ Քաղաքագետ Ստեփան Գրիգորյանը «Առաջին լրատվական»- ի հետ զրույցում պայմանագրի հետ կապված մի քանի դիտողություններ ներկայացրեց:
Նրա խոսքով՝ նախ շտապողականություն ցուցաբերվեց. «Պուտինը մոտավորապես երկու շաբաթ առաջ ՌԴ պաշտպանության և ԱԳ նախարարությունների հետ համաձայնության եկավ այսպիսի նախաձեռնությամբ հանդես գալու շուրջ: Բայց ինչո՞վ է պայմանավորված մեր շտապողականությունը: Կարող էր անցնել գոնե մի քանի ամիս, որպեսզի մեր փորձագետները խորությամբ ուսումնասիրեին այդ պայմանագիրը, նույնիսկ եթե մենք նախօրոք գիտեինք այդ պայմանագրի տեքստը կամ այդ նախաձեռնության մասին: Այս փաստաթուղթը պետք է քննարկվեր մեր խորհրդարանում՝ համապատասխան հանձնաժողովներում, անցներ փորձագիտական և քաղաքական քննարկումներով, ուսումնասիրվեր փաստաթուղթը, եթե ունենայինք առարկություններ, ներկայացնեինք, եթե չունենանայինք, համաձայնեինք: Այդ դեպքում Ռուսաստանը մեզ կհարգեր: Նույնսիկ եթե ինչ-որ առանձին կետերի հետ կապված սկզբունքային մոտեցում ցուցաբերեինք, պահանջեինք փոխել, հետո նոր ստորագրեինք, իրենք կհարգեին. դա և՛ օգտակար կլիներ, և՛ պատվաբեր:
Իսկ այս դեպքում մեզ տվեցին պայմանագիրը, մեր իշխանությունը արագ համաձայնեց և ստորագրեց: Ակնհայտ է, որ Հայաստանի կողմից ոչ մի փոփոխություն չի արվել: Իշխանությունը ցույց է տալիս, որ չի հարգում նույնիսկ քաղքական էլիտայի, ընդդիմության կամ հասարակության կարծիքը, և ստորագրում է»:
Ստեփան Գրիգորյանի գնահատմամբ՝ Հայաստանի համար վտանգավոր փաստաթուղթը է ստորագրվել: Նրա դիտարկմամբ՝ ըստ պայամանգրի՝ եթե պատերազմական իրավիճակ ստեղծվի, ագրեսիայի սպառանլիքի պահին համատեղ ուժերի ղեկավարությունը՝ հրամանատարությունը տրվում է ռուսական կողմին: Մինչդեռ հակառակը պետք է լիներ, քանի որ թեև համատեղ ուժերն են, բայց Հայաստանի տարածքում են:
Մանրամասները՝ տեսանյութում: