2015-ի նոյեմբերի 25-ին ԱԱԾ-ի կողմից վնասազերծված «Նորք-Մարաշի զինված խմբի» գործով առաջին դատական նիստին ամբաստանյալ Վահան Շիրխանյանը չէր ներկայացել: Դատական նիստը հետաձգվեց:
«Վահան Շիրխանյանը չի կարողանում ոտքի վրա կանգնել, չի կարողանում 15-20 րոպեից ավելի նստել, ուժեղ ցավեր ունի»,- լրագրողների հետ զրույցում պարզաբանեց փաստաբան Հայկ Ալումյանը:
Փաստաբան նշեց, որ նախաքննության թերությունները կներկայացնի դատավարության ժամանակ, ինչպես նախապես հայտարարել էր: «Դա ոչ թե ամպագոռգոռ հայտարարություններ են լինելու, այլ լինելու է շատ լարված մասնագիտական առումով դատական վեճ»:
Հարցին՝ հնարավո՞ր է Վահան Շիրխանյանին պատգարակով բերելը, փաստաբանն ասաց, որ հնարավոր է: Իսկ հնարավո՞ր է հաշվի առնելով Շիրխանյանի առողջական վիճակը՝ իր մասով անջատվի գործը, փաստաբանն այս հարցին ի պատասխան՝ ասաց, որ չգիտի. «Օրենքը թույլ է տալիս, բայց այս դեպքում շատ դրվագներով է օրենքը խախտվել, և չեմ կարող ասել, ինչ կանեն այս անգամ»:
Մանրամասները՝ տեսանյութում: