Johnson & Johnson ընկերությանը ու վերջինիս DePuy Orthopaedics մասնաճյուղին պարտավորեցրել են 6 հայցվորների վճարել շուրջ 1 միլիարդ դոլար՝ անորակ էնդոպրոթեզի համար: Ինչպես հաղորդում է Reuters գործակալությունը, նման որոշում է կայացրել Դալլասի երդվյալների դաշնային դատարանը
Դատարանը պարզել է, որ Pinnacle պրոթեզները թերություն ունեն, որի մասին գնորդները տեղեկացված չեն եղել: Հայցվորների մոտ այս պրոթեզների տեղադրումից հետո լուրջ խնդիրներ են առաջացել. պրոթեզի շուրջ հյուսվածքները վնասվել են, ոսկորների էրոզիա և մի շարք այլ խնդիրներ է սկսվել, որոնք կապված են պրոթեզի սխալ դիզայնի հետ։
Johnson & Johnson-ի դեմ ավելի քան 8000 հայց է ներկայացվել՝ կապված Pinnacle պրոթեզների հետ: Ընկերության ներկայացուցիչները, սակայն, հայտարարել են, որ համաձայն չեն դատավճռի հետ և բողոքարկելու են այն: