ՀԿ գործադիր մարմնի նոր կազմով անդրանիկ նիստում քննարկվել են ներկուսակցական ու ներքաղաքական հարցեր, կուսակցության անելիքները, անդրադարձ է կատարվել ՀՀԿ համագումարին. այս մասին նիստից հետո լրագրողների հետ զրույցում հայտնեց ԱԺ փոխնախագահ, ՀՀԿ խոսնակ Էդուարդ Շարմազանովը:
«Համագումարը ևս մեկ անգամ ցույց տվեց, որ քաղաքական օրակարգի թիվ մեկ դերակատարը ՀՀԿ-ն է: ՀՀԿ-ն ունի այն ներուժը, որպեսզի առաջ շարժվի և պահպանի այն ինչ-որ կա, և վերափոխվելով, բարեփոխումների գնալով հանրային կյանքի բոլոր ոլորտներում փորձի իրականացնել որակական փոփոխություններ», – նշեց ՀՀԿ խոսնակը:
Անդրադանալով հարցին, թե քննարկվե՞լ է՝ ով է զբաղեցնելու կուսակցության նախագահի առաջին տեղակալի պաշտոնը, Է. Շարմազանովը նշեց. «Մեր կուսակցության կանոնադրության համաձայն՝ կուսակցության փոխնախագահները, հանձնաժողովի անդամներն ընտրվում են խորհրդի նիստի ժամանակ, օրը դեռևս հայտնի չէ, սակայն մինչև դեկտեմբերի 25-ը կհրավիրենք առաջին նիստը և կորոշենք: Իհարկե, խորհուրդն է որոշելու, բայց այս պահին ամենահավանական թեկնածուն վարչապետ Կարեն Կարապետյանն է»:
Մանրամասները՝ տեսանյութում: