Բնապահպանության նախարարությունում ՊՈԱԿ-ների միավորման հետևանքով 20 տոկոս հաստիքների կրճատում է իրականացվելու: Կառավարության նիստից հետո լրագրողների հետ զրույցում այս մասին ասաց ՀՀ բնապահպանության նախարար Արծվիկ Մինասյանը՝ պատասխանելով հարցին, թե օպտիմալացման հետևանքով նախարարությունում քանի՞ հաստիք կարող է կրճատվել: «Շատ ցավոտ տեղին կպաք, որովհետև ցանկացած գերատեսչության համար դա իսկապես դժվար որոշելիք հարց է», -նշեց նախարարը՝ հավելելով, որ մի շարք կառուցվածքային փոփոխություն է իրականացնելու կենտրոնական ապարատում:
«Խոսքը վերաբերում է ոչ միայն վարչություններին, այլ նաև՝ գործակալություններին: Նախնական հաշվարկով՝ շուրջ 22 % կրճատման ծրագիր է ներկայացվել», – նշեց Ա. Մինասյանը:- Նախարարությունը 4 ՊՈԱԿ-ի միավորման նախագիծ ունի, դրանք մոնիտորինգ իրականացնող և թափոնների գործընթացում ուսումնասիրութուն իրականացնող ու տեղեկատվական ՊՈԱԿ-ների միավումն է, ինչի հետևանքով շուրջ 20% հաստիքների կրճատում է իրականացվելու:
Արծվիկ Մինասյանի խոսքով՝ հաջորդ փուլում անդրադառնալու են բնապահպանական պետական տեսչության ռեֆորմին, շրջակա միջավայրի վրա ազդեցության փորձաքննության կենտրոնի առավել օպտիմալ համակարգ ձևավորելու նախաձեռնությանը:
Մանրամասները՝ տեսանյութում: