Գերմանական Spiegel պարբերականի փոխանցմամբ՝ Lufthansa ավիաընկերությունն իր գործադուլավոր օդաչուներին առաջարկել է աշխատավարձը մեծացնել երկու փուլով՝ 2016 թվականի արդյունքներով 2.4 տոկոսով և 2017 թվականին ևս 2 տոկոսով։
Այդ մասին նշված է ավիափոխադրողի տարածած հայտարարությունում. «Մենք ցանկանում ենք շուտափույթ, մեր ընկերության համար հետագա վնասից խուսափելու համար, վերջապես վերադառնալ մեր ուղևորներին մեր ծառայություններն առաջարկելուն»։
Սակայն ընկերության ղեկավարության ու օդաչուների դիրքորոշումները դեռ չեն մոտեցել։ Ավիաընկերության օդաչուների ու բորտուղեկցորդուհիների գործադուլը մեկնարկել է նոյեմբերի 23-ին։
Չեղյալ է հայտարարվել մի քանի հազար չվերթ։ Օրական վնասը կազմում է մինչև 15 միլիոն եվրո։
