Իրանի նավթի նախարար Բիժան Զանգանեն հայտարարել է, որ շուկայական ներկայիս իրավիճակից ելնելով, մեկ բարել նավթի արժեքը 50 դոլարից բարձր կլինի։ Այս մասին հաղորդում է RIA Novosti-ն։
«Շուկան է ասում, այլ ոչ թե Իրանը կամ ՕՊԵԿ-ը, որ գինը կլինի 50 դոլարից բարձր»,-հայտարարել է նախարարը։
Նշենք, որ Վիեննայում մեկնարկել է Նավթ արտահանող երկրների կազմակերպության (ՕՊԵԿ ) պաշտոնական հանդիպումը, որի ժամանակ կազմակերպության անդամ երկրները կարող են վերջնական համաձայնության գալ նավթի արդյունահանման ծավալների սահմանափակման հարցով։