«Առաջին լրատվական»- ի զրուցակիցն է ՎՍԴՀԿ ատենապետ, ԱԺ ՀԱԿ պատգամավոր Լյուդմիլա Սարգսյանը:
-Տիկին Սարգսյան, ինչպե՞ս է հնարավոր ՀՀ-ում չլինել հանրապետական և հաղթել ընտրություններում: Դուք առաջիկայում ինչպե՞ս եք պատրաստվում մասնակցել ընտրություններին:
-Ի տարբերություն շատ-շատ կուսակցությունների, որոնք նույնպես շատ մեծ մարդկային ռեսուրս և ֆինանսական ներուժ չունեն, ես դեռ ամսիներ առաջ ասել եմ, որ բացառում եմ ընտրություններին միայնակ մասնակցությունը և այսօր վստահաբար կարող եմ ասել, որ նույնիսկ միջին ֆինանսական ներուժ և մարդկային ռեսուրս ունեցող քաղաքական ուժերն այսօր չունեն այդ հնարավորությունը: Դաշտը շատ երկար ժամանակ անընդհատ պառակտվում էր և ընդդիմությունն ավելի շատ պայքարում էր ոչ թե իշխանության դեմ, այլ ավելի արտահատված ընդդիմություն երևալու համար բոլորը բոլորին վարկաբեկում էին, մեղադրում էին հաճախորդության մեջ տարբեր հարցերում, և արդյունքում այսօր ունեցանք այն, որ ընդդիմադիր քաղաքական ուժերը չեն կարողանում հանդես գալ որպես այլընտրանք իշխող քաղաքական ուժին:
-Դաշինքներն ի՞նչ ճակատագրի են արժանանում, խմբակցություններն ինչպե՞ս են պառակտվում:
-Շատ դեպքերում դաշինքներն արհեստականորեն են ձևավորվում, խոսքը չի վերաբերում ՀԱԿ-ին: Մենք միասին երկար ճանապարհ էինք անցել, և դա բնական դաշինք էր, որով մենք մտանք ԱԺ: Թե ինչ եղավ հետո, դա տարբեր պատճառաբանություններ ունի, երկու կողմերն էլ մեղավոր են: Մենք նախընտրական դաշիքն չէինք:
–Այնուամենայնիվ ՀԱԿ-ը հայտարարություն էր տարածել, որ նախընտրական պայքարի մեջ է մտնում, և տարբեր քաղաքական ուժերին կոչ արեց միավորվել, նպատակը դարձյալ իշխանափոխությունն է: Տիկին Սարգսյան, դուք չե՞ք պատկերացնում նրանց հետ հետագա ճանապարհը:
-Ես այսօր ոչինչ չեմ կարող ասել այդ մասին: Մեծագույն հարգանք ունեմ ՀԱԿ-ի և նրա առաջնորդ Լևոն Տեր-Պետրոսյանի նկատմամբ, բայց չեմ կարող ասել, ինչ կարող է լինել: Տարբեր քաղաքական ուժերի հետ բանակցություններ են գնում, սակայն դեռևս վերջնարդյունքի մասին որևէ մեկը չի կարող ասել: Կարծում եմ՝ կձևավորվի երկու ընդդիմադիր բևեռ, որոնք կփորձեն և՛ իրար դեմ պայքարել, և՛ իշխանության դեմ: Թե ինչպես կկողմնորոշվի ընտրազանգվածը, դժվար է ասել, բայց որ ընդդիմադիր քաղաքական ուժերը միայնակ հնարավորություն չունեն մասնակցելու և հինգ տոկոսը հաղթահարելու, դա միանշանակ է. բացի ԲՀԿ-ից՝ ընդդիմության դաշտում որևէ կուսակցություն այդ ռեսուրսները և հնրավորությունները չունի: Երեկ ես նայեցի «Գելափ»- ի տվյալները, պարզվում է՝ մարզերում ԲՀԿ-ն համակիրների ավելի մեծ բանակ ունի, քան ՀՀԿ-ն:
Հարցազրույցն ամբողջությամբ՝ տեսանյութում:
