Տեղեկատվական տեխնոլոգիաների ոլորտը և շուկան սկսել են ավելի շատ կասկածել Microsoft-ի ապագա հնարավորություններին: Մեկ տարի առաջ Բիլ Գեյթսի հիմնած ընկերությունը կապիտալիզացիայի ընդհանուր ցուցանիշներով զիջեց Apple-ին, իսկ հիմա զիջում է նաև IBM-ին: IBM-ի աճն ակնհայտ է, քանի որ այս ընկերությունը համաշխարհային ՏՏ շուկայի առաջատարի դիրքերը զիջել էր 15 տարի առաջ:
Ուրբաթ օրը արձանագրված արդյունքները հետաքրքրել են շատ մասնագետների: Այդ օրը IBM-ի կապիտալիզացիան աճեց մինչև 207.52 մլրդ դոլարի, իսկ Microsot-ի գինը կազմեց 206.52 մլրդ: Apple ընկերությունն ուրբաթ օրն արժեր 308.83 մլրդ դոլար: Մեկ տարի առաջ Apple-ն արժեր 80 մլրդ-ով պակաս, քան այսօր է: ի տարբերության Apple-ի, Microsoft-ի գինը նվազել է 12 մլրդ-ով:
Ավելացնենք նաև, որ այս ոլորտի մեկ այլ առաջատար`Google ընկերությունը, այսօր արժե 168.87 մլրդ դոլար և հիմա այդ ցուցակում զբաղեցնում է 4-րդ հորիզոնականը:
