Այսօր ԱԺ արտահերթ նիստում «ԱԺ կանոնակարգ» օրենքի մասին նախագծի քննարկման ժամանակ ԲՀԿ խմբակցության ղեկավար Նաիրա Զոհրաբյանը, երկրորդ անգամ մոտենալով ամբիոնին, նշեց, որ մոռացել է անդրադառնալ «դարի հարցին». «Պատգամավորը պատգամավոր է դարձել կուսակցության համամասնական ցուցակով, հետո ասում է «աձյո», ես գնացի. հիմա արի հասկացի՝ քաղաքական ո՞ւժն է շեղվել իր ծրագրից, թե՞ այդ պատգամավորը:
Այստեղ խնդիրը երկու ձևով կարելի էր լուծել՝ բարոյական հարթության վրա, որ մարդիկ պարկեշտություն ունենային, վայր դնեին իրենց լիազորությունները, կամ սահմանել չափորոշիչ: Առաջարկում եմ՝ մեծ-մեծ խոսացողները թող ռեյտինգային քվեարկությամբ առաջադրվեն իրենց տարածքներում»:
Ն. Զոհրաբյանի խոսքով՝ խորհրդարանում առավելագույը 10 պատգամավոր կա, որ ինչ քաղաքական ուժով էլ առաջադրվի, կապահովի իր ձայները խորհրդարանի կազմում ընդգրկվելու համար. «Բայց կան մարդիկ, ովքեր ներդրվել են տվյալ քաղաքական թիմի ցուցակում և ասում են, որ իրենց են ձայն տվել։ Հիմա այստեղ մեծ-մեծ խոսում են այն մադրիկ, որոնց անունները մինչև 2012 թվականի խորհրդանական ընտրությունները հանրությունը չգիտեր։ Ես առաջարկում եմ, որ այդ մարդիկ էլ իրենց տարածքներում ռեյտինգային քվեարկությամբ առաջադրվեն և եթե իրենց մերձավորների ձայներից բացի՝ այլ ձայներ հավաքեն, ես կասեմ, որ սխալ էի»։
Մանրամասները՝ տեսանյութում: