Այսօր ԱԺ արտահերթ նիստում «ԱԺ կանոնակարգ» օրենքի մասին նախագծի քննարկման ժամանակ ԲՀԿ խմբակցության ղեկավար Նաիրա Զոհրաբյանն իր ելույթում կարևոր համարեց քննարկվող օրենքի նախագիծը:
Նա կողմ է նախագծի այն դրույթին, որ խմբակցության ղեկավարը կարող է համապատասխան լիազորագրով քվեարկել պատգամավորի փոխարեն. «Իհարկե, ոչ այն դեպքերում, երբ պատգամավորը նստած է վետերոկում կամ սաունայում սուզված է ջրի մեջ, խմբակցության ղեկավարին այս դեպքում իրավասություն տալ՝ իր փոխարեն քվեարկելու, այլ այն դեպքում, երբ պատգամավորը ԱԺ կողմից պաշտոնական գործուղման է, փակ ծրարով իր քվեարկությունը հանձնի քարտուղարությանը, քանի որ որևէ երաշխիք չկա, որ խմբակցության ղեկավարը հետագայում ինչ-ինչ խնդիրների առաջ չի կանգնի ու պատգամավորը չի ասի՝ ես այսպես եմ ասել, դու՝ այնպես ես արել»:
Պատգամավորի աշխատանքի համար, ըստ Զոհրաբյանի, շատ կարևոր է փորձագետների աշխատանքը. «Եվրոպական որևէ երկրում չեք տեսնի, որ պատգամավորը նստած օրենք է գրում. նա տալիս է գաղափարը, իսկ փորձագիտական խումբն աշխատում է դրա վրա:
Իսկ մեր ԱԺ փորձագետներից շատերի դեպքում տեսնում ես, որ պատալոկը լինում է կոֆե եփելու ունակությունը:
Մանրամանսերը՝ տեսանյութում: