Ազգային ժողովում շարունակվում է «ԱԺ կանոնակարգ» օրենքի նախագծի քննարկումը:
ՀԱԿ խմբակցության պատգամավոր Հրանտ Բագրատյանի ելույթից առաջ միջադեպ տեղի ունեցավ նրա և ԱԺ փոխխոսնակ Էդուարդ Շարմազանովի միջև: Ելույթը սկսելով՝ Հ. Բագրատյանը նկատողություն արեց իրեն չլսող պատգամավորներին. «Նստե’ք, լսեք: Կամ էլ` գնացեք»:
«Պարոն Բագրատյան ջան, դեռ վարչապետ չեք դարձել», – արձագանքեց ԱԺ փոխխոսնակ Է.Շարմազանովը:
«Հանգստացի` կդառնանք, ուզենանք կդառնանք», – ասաց Հ. Բագրատյանը:
«Մենք էլ պիտի ուզենանք», – պատասխանեց Է. Շարմազանովը:
«Վախենամ` այլ ելք չունենաք շուտով», – ասաց Հ. Բագրատյանը:
Երկխոսությունից հետո ԱԺ փոխխոսնակն առաջարկեց զրոյացնել Հրանտ Բագրատյանի ելույթից անցած րոպեներն ու նրան նորից սկսելու հնարավորություն տալ: «Ժամանակս փոշիացնու՞մ եք, հա՞», – արձագանքեց Բագրատյանը:
Մանրամասները՝ տեսանյութում: