ԱԺ Կանոնակարգ օրենքի նախագծի քննարկման ժամանակ ՀՀԿ խմբակցության պատգամավոր Խոսրով Հարությունյանն անդրադարձավ պատգամավորների՝ խմբակցությունից դուրս գալու խնդրին: «Ինչո՞ւ պետք է խմբակցություն լքածը շարունակի պատգամավոր մնալ»,- հարցրեց Խոսրով Հարությունյանը:
Նախագծի հիմնական զեկուցող ՀՀԿ խմբակցության պատգամավոր, ԱԺ Պետաիրավական հարցերի մշտական հանձնաժողովի նախագահ Հովհաննես Սահակյանը նշեց, որ պատգամավորը խմբակցությունից դուրս գալու համար պետք է լավ ծանրութեթև անի, որովհետև ինքը չի օգտվելու խմբակցության մեջ գտնվող մյուս պատգամավորների համար վերապահված իրավունքներից՝ սկսած բարեկամական խմբերում, հանձնաժողովներում ընդգրկվելուց և աշխատանքներ իրականացնելուց, վերջացրած խմբակցության կողմից հարցապնդում ներկայացնելով և այլն: «Տարբեր երկրներում նույն մոտեցումն է՝ եթե պատգամավորը խմբակցությունում ընդգրկված չէ, համարվում է կես պատգամավոր»,- նշեց. Հ. Սահակյանը:
Մանրամասները՝ տեսանյութում:
