«Առաջին լրատվական»-ի զրուցակիցն է քաղաքական մեկնաբան Արմեն Բաղդասարյանը:
–Պարոն Բաղդասարյան, անդրադառնանք ՀՀԿ 16-րդ համագումարին, Սերժ Սարգսյանի ելույթի հիմնական շեշտադրումներին: Մամուլում առանձնացվում է հատկապես այն, որ նախագահը նշել է, որ եթե 2017-ին ՀՀԿ-ին հաջողվի մեծամասնություն կազմել խորհրդարանում, վարչապետի պաշտոնում կշարունակի պաշտոնավարել Կարեն Կարապետյանը:
-Ս. Սարգսյանի «եթե»-ի մեջ որոշակի իրոնիա կա, որովհետև իր ելույթում Ս. Սարգսյանը խոսեց նաև անբիծ ընտրություններ անցկացնելու մասին, բայց չխոսեց ազնիվ ընտրություններ անցկացնելու մասին, բայց չխոսեց ազնիվ ընտրություններ անցկացնելու մասին. դա նշանակում է որ խնդիրը ազնիվ ընտրություններ անցկացնելը չէ, այլ այնպիսի ընտրություններ, որ բիծ չթողնի հետո: Կարծում եմ, նա վստահ է, որ ՀՀԿ-ն ունենալու է մեծամասնություն՝ օգտագործելով լծակներ և այլն: Ինչ վերաբերում է Կարեն Կարապետյանի՝ որպես վարչապետ պաշտոնավարմանը, ապա նա հիմնական պատասխանը չտվեց, նա ինտրիգը չհանգուցալուծեց: Հասկանալի էր, որ Կարեն Կարապետյանը 2017-ից հետո, խորհրդարանական ընտրություններից հետո Կարեն Կարապետյանն է լինելու վարչապետ, անհասկանալի էր, թե 2018-ից հետո ինչ է լինելու, երբ Սերժ Սարգսյանի պաշտոնավարման ժամկետն ավարտվի: Այդ հարցը որևէ պատասխան չունեցավ, այսինքն՝ որևէ հանգուցալուծում տեղի չունեցավ:
-Ի՞նչ կարող է լինել, ըստ Ձեզ, եթե Սերժ Սարգսյանը Կարեն Կարապետյանին առաջարկում է շարունակել պաշտոնավարելը նաև այդ մեկ տարվա ընթացքում:
-Իմ կարծիքով՝ Ս. Սարգսյանը 2018-ից հետո վարչապետ չի լինի, նա կշարունակի ՀՀԿ ղեկավարի իր գործունեությունը, այսինքն՝ ստվերից կղեկավարի և՛ վարչապետին, և՛ ԱԺ-ն՝ չունենալով ոչ մի պետական պաշտոն, ինչպես խորհրդային տարիներին Կենտկոմի առաջին քարտուղարները, որոնք որևէ պաշտոն չունեին, բայց իրենք էին փաստացի ղեկավարում: Կարծում եմ՝ Սերժ Սարգսյանը հենց այդ մոդելն է ընտրել:
Մանրամասները՝ տեսանյութում: