Համացանցում հայտնվել են Galaxy S8 սմարթֆոնի բնութագրերը, որի շնորհանդեսը Samsung ընկերությունը նախատեսում է հաջորդ տարվա սկզբին։ Նախնական տեղեկատվության համաձայն՝ սմարթֆոնը կստանա 6 ԳԲ օպերատիվ հիշողություն և Qualcomm Snapdragon 835 պրոցեսոր, հաղորդում է BGR-ը։
Նշվում է, որ սարքը կհարստացվի մինչև 256 ԳԲ ծավալով կուտակող կրիչով, ինչպես նաև կունենա ձայնային օգնական՝ արհեստական ինտելեկտի տարրերով։ Ապագա ֆլագմանի մոդելներից մեկը կունենա 5,7 դյույմ անկյունագծով էկրան, իսկ մյուսը՝ 6,2 դյույմ։
Ակնկալվում է, որ Galaxy S8-ի շնորհանդեսը տեղի կունենա MWC 2017 ցուցահանդեսի շրջանակում, որն անցկացվելու է փետրվարին Բարսելոնում։