«Առաջին լրատվական»- ի զրուցակիցն է «Նոր ժամանակներ» կուսակցության նախագահ Արամ Կարապետյանը:
-Պարոն Կարապետյան, ԱԺ Մարդու իրավունքների պաշտպանության և հանրային հարցերով հանձնաժողովի նիստի ժամանակ ՀՀ արդարադատության նախարար Արփինե Հովհաննիսյանը ներկայացրեց «Կուսակցությունների մասին» նոր օրենքի նախագծը, որով առաջարկվում է, որ գրանցման պահին կուսակցությունը պետք է ունենա 1000 անդամ, մինչդեռ գործող օրենքով նախատեսված էր, որ կուսակցությունը գրանցման պահին պետք է ունենար 200 անդամ, այնուհետև վեց ամսվա ընթացքում իրենց կուսակիցների թիվը պետք է հասցնեին շուրջ 2000-ի, և յուրաքանչյուր մարզում պետք է ունենային 100 անդամ: Ձեր գնահատմամբ՝ ի՞նչ նպատակով է նման փոփոխություն կատարվում:
-Նոր ստեղծվող կուսակությունների համար այս ցենզը մտցվում է ամենայն հավանականությամբ նկատի առնելով, որ Հայաստանում 70-ից ավելի կուսակցություն կա և դա շատ է: Եվ ինչ-որ առումով թվաքանակը բարձրացնելով բավական լուրջ է դրվում այն հարցը, որ եթե կուսակցությունը չունի գաղափարական այդքան համախոհներ, ապա ինչպես կարող է դա կուսակցություն լինել, դա կարող է լինել հասրակական կազմակերպություն: Իմ կարծիքով՝ այս փոփոխությունը կապված չէ գալիք խորհրդարանական ընտրությունների հետ: Կարծում եմ՝ բավականաչափ ճիշտ որոշում է, որովհետև 1000 հետևորդ պիտի ունենաս, որպեսզի կարողանաս կուսակցություն ստեղծել: Այլ հարց է, որ Հայաստանում կուսակացական համակարգը մի քիչ այլ կերպ է աշխատում: Ավելի շատ դա անձնավորված է:
Հարցազրույն ամբողջությամբ՝ տեսանյութում:
