ԱՄՆ տարածքում աշխատող չինական արտադրության սմարթֆոնների մի մասը հանդերձված է «բեքդոր»-ով (թաքնված հեռակառավարվող ծրագիր), որը 72 ժամը մեկ բոլոր տեքստային հաղորդագրություններն ուղարկում է չինական սերվեր։ Այս մասին գրում է The New York Times-ը։
Թերթի տեղեկություններով՝ Kryptowire ընկերությունից անվտանգության ոլորտի ամերիկացի մասնագետները վերջերս նկատել էին Android սմարթֆոններում տեղադրված ծրագրային ապահովումը, որը հետևում է օգտատիրոջ տեղաշարժին, թե ում է նա զանգահարում, ինչպիսի հաղորդագրություններ է ուղարկում։
Իշխանությունները դեռևս չեն պարզել՝ այդ տվյալներն օգտագործվում են թիրախավորված գովազդի նպատակո՞վ թե՞ հանդիսանում են տեղեկատվության հավաքման չինական հետախուզության ջանքեր։