Հայաստանում Beeline-ը մասնակցեց նոյեմբերի 12-ին կայացած Business & HR Forum 2016 –ին, որի կազմակերպիչն է հանդիսանում Global Media Lab–ը։
Ֆորումի շրջանակում ելույթի խոսքով հանդես եկավ ՄՌ կառավարման և կազմակերպական զարգացման տնօրեն Մարինե Գալստյանը, ով ներկայացվեց ընկերության պատմությունը, կորպորատիվ մշակույթը, որդեգրված արժեքները, ընկերության աշխատակիցների համար մշակված փոխհատուցումների ծրագրերը և արտոնությունների գրավիչ փաթեթները: Ելույթի ընթացքում ներկայացվեց նաև «3-րդ սերունդ» երիտասարդ սերնդի զարգացմանն ու աջակցմանն ուղղված ստաժավորման ծրագիրը, որը հնարավորություն է տալիս ավելի քան 100 ուսանողների անցնել իրենց ուսումնաարտադրական պրակտիկան Beeline-ի զանազան ստորաբաժանումներում:
Անդրադարձ կատարվեց նաև HR ոլորտում լայն ճանաչում ունեցող Beeline Կորպորատիվ Համալսարանին, որը Ընկերության աշխատակիցների համար անցկացնում է նորարար տեխնոլոգիաներին համահունչ ուսուցման ծրագրեր/թրեյնինգներ:
«Շատ ուրախ եմ, որ նման ֆորումի անցկացումն ավանդույթ է դառնում Հայաստանում, հնարավորություն ընձեռելով մասնակիցներին լինել քաջատեղյակ Մարդկային ռեսուրսների զարգացման միտումներին: Մեծ հպարտությամբ ուզում եմ նշել, որ մեկ անգամ ևս համոզվեցինք, որ Beeline Հայաստանում արդեն իսկ կիրառվում են և առկա են ներկայացվող գործիքների և մոտեցումների գերակշռող մասը, և դրանք աշխատում են ի շահ մեր թիմի և բաժանորդների», – նշեց Հայաստանում Beeline-ի Մարդկային ռեսուրսների կառավարման և կազմակերպական զարգացման տնօրեն Մարինե Գալստյանը:
Նշենք, որ Business & HR Forum 2016-ին մասնակցեցին տարբեր ոլորտներ ներկայացնող ավելի քան 50 ընկերություններ, որի շրջանակում ելույթներով հանդես եկան 30 – ից ավել ընկերության ղեկավարներ:
* * *
