Գյումրիում Ավետիսյանների ընտանիքի սպանության համար ցմահ ազատազրկման դատապարտված Վալերի Պերմյակովի փաստաբանը բողոք էր ներկայացրել Վերքաննիչ դատարան: Բողոքը վերաբերում էր Պերմյակովի՝ սահմանահատման փորձի համար առաջադրված մեղադրանքին: Օրերս այդ բողոքը հետ է վերցվել:
Ավետիսյանների իրավահաջորդների ներկայացուցիչ, փաստաբան Լուսինե Սահակյանը «Առաջին լրատվական»- ի հետ զրույցում նշեց, որ անկախ նրանից՝ այդ բողոքը կբավարարվեր թե ոչ, պատժաչափը՝ ցմահ ազատազրկումը չէր փոխվելու: «Կարծում եմ դա էր պատճառը, որ Պերմյակովը չցանկացավ, որ այդ բողոքը պնդեն դատարանում: Միգուցե նաև Պերմյակովը մտածում էր, որ բողոքը հետ վերցնելը կհանգեցնի նրան, որ իրեն Վերաքննիչ դատարան չեն տեղափոխի»:
Սակայն Վերաքննիչ բողոք են ներկայացրել նաև գործով տուժողների իրավահաջորդների ներկայացուցիչները: Փաստաբանի խոսքով՝ միևնույն է, նրա դատական ակտը ուժի մեջ չի մտնելու, նրա ներկայությունը դատարանում պետք է ապահովվի:
Ինչ վերաբերում է հետագայում նրա պատժի կրելուն, Լ. Սահակյանը նշեց. «Քանի որ ՌԴ-ն Պերմյակովին չի հանձնել ՀՀ-ին, ապա եթե չլինի նոր համաձայնագիր Ռուսաստանի և Հայաստանի միջև, նա իր պատիժը կրելու է ՌԴ-ում»:
Մանրամասները՝ տեսանյութում: