Samsung ընկերությունը The Wall Street Journal, The New York Times և The Washington Post թերթերում սյունակներ Է գնել, որպեսզի գնորդներից ներողություն խնդրի Galaxy Note 7 սմարթֆոնի ձախողման համար:
Ներողությունները հրապարակվել են ԱՄՆ-ում Samsung Electronics-ի ստորաբաժանման նախագահ և ղեկավար Գրեգորի Լիի անունից: Նա խոստովանել Է, որ ընկերությունը չարդարացրեց գնորդների սպասումները, և հայտարարել Է, որ կորպորացիան շարունակում Է ուսումնասիրել Galaxy Note 7 սմարթֆոնների ինքնաբռնկման պատճառները:
«Մենք կստուգենք մեր սարքերի բոլոր ասպեկտները, ներառյալ համալրող մասերը, ծրագրային ապահովումը, կուտակիչների ստեղծման տեխնոլոգիան և արտադրությունը: Մենք դրանով զբաղվում ենք այնքան արագ, որքան դա հնարավոր Է, բայց մեզ ժամանակ Է հարկավոր, որպեսզի գտնենք ճիշտ պատասխանները»,-գրում Է Լին:
Note 7 մոդելի սմարթֆոնները վաճառքում հայտնվել են 2016 թվականի օգոստոսին, սակայն հոկտեմբերին ինքնաբռնկման բազմաթիվ դեպքերից հետո, կորպորացիան սկզբում կասեցրեց վաճառքները, իսկ հետո դադարեցրեց դրանց արտադրությունը:
Այժմ ընկերությունը պարզում Է սարքերի անսարքության պատճառը: Հետաքննության պատճառով ձգձգվում Է Samsung-ի հաջորդ ֆլագմանի՝ Galaxy S8-ի մշակումը:
