Ճապոնական Toyota Motor ընկերությունը ծրագրում է 2020 թվականին սկսել էկոլոգիապես մաքուր էլեկտրամեքենաների զանգվածային արտադրություն։ Այս մասին հայտնում է Nikkei պարբերականը։
Հաղորդվում է, որ դրա համար ընկերությունը 2017 թվականին կստեղծի էլեկտրամեքենաների արտադրության պլանավորման խումբ։ Էլեկտրամեքենաները կարող են մարտկոցի մեկ լիցքավորմամբ անցնել 300 կմ հեռավորություն։ Էլեկտրամեքենաները կստեղծվեն Prius և Corolla մոդելների հիմքի վրա։
Toyota Motor-ի էլեկտրամեքենաների զանգվածային արտադրության գործարկումը նվիրված կլինի Տոկիոյում Օլիմպիադա-2020-ի մեկնարկին, երբ Ճապոնիայի վրա կսևեռվի ողջ աշխարհի ուշադրությունը։ Ընկերության պլանները պայմանավորված են մրցակցությամբ՝ էլեկտրամեքենաների պահանջարկի համաշխարհային աճի պատճառով։