Ինչպես այսօր գրում է ռուսական Vedomosti-ն, Ղազախստանի նախագահ Նուրսուլթան Նազարբաևի փեսան՝ Թիմուր Կուլիբաևը, և Գերմանիայի նախկին կանցլեր Գերհարդ Շրյոդերը կարող են տեղ զբաղեցնել «Գազպրոմ» ընկերության տնօրենների խորհրդում:
Կառավարությունում հաստատել են Շրյոդերի ընդգրկվելու մասին լուրը, սակայն ինքը՝ նախկին կանցլերը, դեռ վերջնական որոշում չի կայացրել: Կրեմլի հետ նրա թեկնածությունը նույնպես համաձայնեցված չէ:
Նույն աղբյուրը նշել է, որ «Գազպրոմի» տնօրենների խորհրդում կարող է տեղ զբաղեցնել նաև Ղազախստանի ամենահարուստ մարդկանցից մեկը՝ նախագահ Նազարբաևի փեսան՝ 44-ամյա Թիմուր Կուլիբաևը, որը ղեկավար պաշտոններ է զբաղեցրել նավթագազային «Կազօյլ», «Կազտրանսօյլ», «Կազմունայգազ» ընկերություններում:
Ենթադրվում է, որ այս թեկնածուները կնշանակվեն պետության կողմից «Գազպրոմում» նշանակված տնօրենների փոխարեն, քանի որ, նախագահ Մեդվեդևի հրամանով, պետական պաշտոններ զբաղեցնողներն իրավունք չունեն տեղ զբաղեցնել ընկերությունների տնօրենների խորհրդում: Այս գործըթնացը պետք է ավարտվի մինչև սույն թվականի հուլիսի 1-ը: