Երևանում հոկտեմբերի 28-ին կայացել է «Կոնրադ Ադենաուեր» գերմանական հիմնադրամի նոր մասնաճյուղի բացման պաշտոնական արարողությունը։
Միջոցառմանը ներկա էին ԱԺ փոխնախագահ Հերմինե Նաղդալյանը, ՀՀԿ պատգամավորներ Ռուզաննա Մուրադյանը, Արտակ Զաքարյանը, Արտակ Դավթյանը, Կարեն Ավագյանը, նաև Գերմանիայի Բունդեսթագի պատգամավոր, Բունդեսթագի կողմից Հայոց ցեղասպանության ճանաչման մասին նախագծի համահեղինակ Ալբերտ Վայլերը, «Կոնրադ Ադենաուեր» հիմնադրամի «Քաղաքական երկխոսություն․ Հարավային Կովկաս» տարածաշրջանային ծրագրի ղեկավար Թոմաս Շրապելը։
ՀՀԿ պատգամավոր Արտակ Զաքարյանի խոսքով այսօրվա լուսավոր գրասենյակի բացումը ցույց տվեց, որ իրականացված ծրագրերը նպաստել են դրված նպատակների կատարմանը։ «Կոնրադ Ադենաուեր» գերմանական հիմնադրամի նոր մասնաճյուղի բացումը Երևանի կենտրոնում, ըստ Բունդեսթագի պատգամավոր Ալբերտ Վայլերի, շատ կարևոր քայլ է հայ- գերմանական համագործակցության տեսակետից, որը վերջին մի քանի ամսիներին բավականին ինտենսիվ զարգանում էր։