Sputnik լրատվական գործակալության փոխանցմամբ՝ Վրաստանի վարչապետի՝ Ռուսաստանի հետ հարաբերությունների կարգավորման հարցերով հատուկ ներկայացուցիչ Զուրաբ Աբաշիձեն հայտարարել է, որ քանի դեռ խախտված է Վրաստանի տարածքային ամբողջականությունը, Ռուսաստանի հետ դիվանագիտական հարաբերությունների վերականգնման հարցը չի կարող դառնալ քննարկման օբյեկտ.
«Դիվանագիտական հարաբերությունների վերականգնումն օրակարգում չէ։ Այդ հարցը չի դիտարկվում որևէ տեղ։ Քանի դեռ խախտված է Վրաստանի տարածքային ամբողջականությունը, այդ հարցը ոչ մի կերպ չի կարող դառնալ քննարկման օբյեկտ»։
Ռուսաստանի ու Վրաստանի միջև դիվանագիտական հարաբերությունները խզվել են 2008 թվականի օգոստոսին։ Վրաստանն այդ քայլին գնացել է այն բանից հետո, ինչ Ռուսաստանը ճանաչեց Աբխազիայի ու Հարավային Օսիայի անկախությունը։
