ԱԺ նոր կանոնակարգ օրենքի նախագիծը դրվեց քննարկման, պատգամավորների կողմից բազմաթիվ քննադատություններ հնչեցին: ԱԺ ՀՀԿ խմբակցության պատգամավոր Հովհաննես Սահակյանը «Առաջին լրատվական»- ի հետ զրույցում անդրադառնալով հարցին, թե հաշվի առնելով քննադատությունները՝ կարելի՞ է այն անփույթ կազմված նախագիծ համարել, նշեց, որ նման կոշտ դիրքորոշում չի ցանկանա հայտնել, նրա խոսքով՝ քննադատությունները անփութությանը չեն վերաբերում, այլ մոտեցումներն են տարբեր:
«Հնչեցին մի շարք ելույթներ, որոնք սահմանադրական նորմի հետ կապ չունեն, իսկ կանոնակարգ օրենքի նախագծի մեջ տեղ գտած բոլոր կարգավորումները բխում են նոր սահմանադրության նորմերից: Ընդհանուր առմամբ՝ քննարկումը համարում եմ դրական»,- նշեց ԱԺ պետաիրավական հարցերի մշտական հանձնաժողովի ղեկավարը:
Առաջարկվող նոր մոդելով նիստերը քառօրյայի փոխարեն կլինեն եռօրյա: Հ. Սահակյանի խոսքով՝ միջանկյալ ժամանակ պետք է տալ պատգամավորներին, որպեսզի կարողանան շփվել իրենց ընտրողների հետ. «Սա սահմանված է ոչ թե որպես իրավունք, այլ սահմանադրական պարտականություն»:
Անդրադառնալով դիտարկմանը, որ ԱԺ շատ պատգամավորներ տարիներով չեն ներկայացել ԱԺ կամ ներկայացել են միայն քվեարկությանը, Հ. Սահակյանը նշեց, որ Կանոնակարգ նոր օրենքով շատ բացակայող պատգամավորների փաստաթղթերը կուղարկվեն Սահմանադրական դատարան:
Մանրամասները՝ տեսանյութում:
