Հոկտեմբերի 27-ին «ՆորՏեղ Շին» ՍՊԸ կազմակերպությունը իրականացրել է պայթեցման միջոցով քանդման աշխատանքներ Երևանի Հանրապետության փողոցի թիվ 65 շենքի Բ մասնաճյուղում: Պայթեցման աշխատանքներով ապամոնտաժել է Երևանի նախկին առաջին տպարանի շենքը:
Թեմայի շուրջ «Առաջին լրատվական»- ի հետ զրույցում «Աստորիա Ինվեստ ՓԲԸ բաժնետեր Գենադի Կարապետյանը պարզաբանեց. «Տարածքը և այդ շինությունը սեփականացվել է վաղուց՝ 20-25 տարի առաջ. մենք սեփականատեր ընկերությունից գնել ենք բաժնետոմսերը տարածքը և շինությունը և դարձել են մեր սեփականությունը:
Մենք նպատակահարմար ենք գտել Երևանում կառուցել հարմարավետ, բարձր կարգի հյուրանոց: Անգամ մինչև գնելը մենք հետաքրքրվել ենք, թե այդ շենքը պատմամշակութային արժեք ունի, թե ոչ. համապատասախան հիմնարկներից տեղեկացրել են, որ պատմամշակութային արժեք չունեցող կառույց է: Հանրապետության փողոցում շենքի տեսքը մնում է նույնը, մենք քանդել ենք ներսի կողմը:
Երևանի քաղաքապետարանը մեզ տվել է շենքի քանդման թույտվություն: Շենքը պայթեցման եղանակով քանդելու տարբերակը ընտրել է շինարարական աշխատանքներ իրականացնող կազմակերպությունը:
Պայթեցման եղանակով շենքի ապամոնտաժման լիազորությունը տվող մարմինը Արտակարգ իրավիճակների նախարարությունն է: Քանդման ժամանակ ԱԻՆ համապատասխան բաժինների ներկայացուցիչները ներկա են եղել, տեղյակ են պահել բնակչությանը, ոստիկանությանը, ճանապարհային ոստիկանությանը: Փոշու համար բնակչությունից ներողություն ենք խնդրում:
Քանի որ շենքը պատմամշակութային արժեք չէր ներկայացնում, Մշակույթի նախարարությանը դիմելու խնդիր չի առաջացել»:
Մանրամասները՝ տեսանյութում: