Սիրիացի ապստամբները հոկտեմբերի 28-ին հարձակում են Հալեպի վրա, որը գտնվում է կառավարական զորքերի վերահսկողության ներքո։ Այդ մասին հաղորդում է «Ֆրանսպրես» գործակալությունը՝ վկայակոչելով հակակառավարական կազմավորումների պաշտոնական ներկայացուցչին:
«Սինհուա» գործակալության տվյալներով՝ հարձակմանը մասնակցում են «Ահրար Ալ-Շամ», «Ջեյշ ալ-Թաթհ» իսլամիստական խմբավորումները, որոնք օգտվում են Թուրքիայի աջակցությունից, ինչպես նաեւ «Ջամաաթ Ալ- Մուջահիդին»-ը: Կառավարական զորքերի վերահսկողության տակ գտնվող տարածքների ուղղությամբ արձակվել է 150 հրթիռ և արկ։ Մարդու իրավունքների հարցերով սիրիական դիտորդական խորհրդի տվյալներով՝ զոհվել է 15 մարդ, վիրավորվել՝ ավելի քան 100-ը։
Ինչպես ավելի վաղ հաղորդել է Reuters գործակալությունը, ապստամբների կողմից Հալեպի արևմտյան շրջանների գնդակոծման հետևանքով, որոնք վերահսկում են կառավարական ուժերը, զոհվել են 15-ից ավելի խաղաղ բնակիչներ, ավելի քան 100 մարդ վիրավորվել է:
