Այսօր՝ հոկտեմբերի 28-ին «Մեդիա կենտրոնում» տեղի ունեցավ քննարկում «ԵՄ-Հայաստան բանակցություններ. իրատեսական գործընթա՞ց, թե՞ չափազանցված սպասումներ» թեմայով: Քննարկման բանախոսներն էինՄիջազգային և անվտանգության հարցերի հայկական ինստիտուտի նախագահ Ստեփան Սաֆարյանը, քաղաքագետներ Նարեկ Գալստյանը, Արմեն Մինասյան և տնտեսագետ Վիլեն Խաչատրյանը:
Թեև ԵՄ-Հայաստան նոր համաձայնագրի շուրջ բանակցություններում առկա խնդիրները որակվում են որպես տեխնիկական, սակայն դրանք այնքան էլ տեխնիկական չեն: Այս մասին նշեց «Միջազգային և անվտանգության հարցերի հայկական ինստիտուտի»-ի ղեկավար, քաղաքագետ Ստյոպա Սաֆարյանը: Նրա խոսքով, 3,5 տարի է , ինչ Հայաստան ու ԵՄ-ն փորձում են վերասահմանել իրենց հարաբերությունները, դրանից առաջ ևս 3,5 տարի չափազանց խորը բանակցություններ էին տեղի ունեցել Ասոցացման համաձայնագրի շուրջ. «Եթե խնդիրները իսկապես լինեին տեխնիկական, պետք է մինչ այդ պարզ լինեին մեր պարտավորությունների շրջանակը: Եթե այսքան ժամանակահատվածում անհնար է «քոփի-փեսթ»-երով թղթի վրա բերել այն ամենը, ինչ բանակցվել է 3,5 տարի, ապա հասկանալի պետք է դառնա, որ խոչընդոտները ոչ թե տեխնիկական են, այլ քաղաքական»:
Անդրադառնալով հարցին՝ արդյոք ԵՄ-ի հետ բանակցությունների մասին Մոսկվային տեղեկացնելը բավարար է, որ այդ համաձայնագիրը ստորագրվի, Սաֆարյանն արձագանքեց. «Կարծում եմ՝ ոչ, որովհետև ի սկզբանե խնդիրը պայմանավորված է եղել «Արևելյան գործընկերության» ծրագրի նկատմամբ ՌԴ վերաբերմունքով: 2013-ին Ռուսաստանն իր քայլերով փորձեց սպանել «Արևելյան գորընկերության» քաղաքականությունը: Ես այնքան էլ վստահ չեմ, որ այս տարվանից սկսված բանակցությունները կարող են հիմք ծառայել դրա ստորագրման համար»:
Մանրամասները՝ տեսանյութում:
